Rusiya və Ukrayna arasında 2014-cü il Minsk razılaşmaları münaqişənin həlli deyil, dondurulması idi və bu, Ukraynaya güclənməsi üçün qiymətli vaxt verdi.

Bu barədə Almaniyanın keçmiş kansleri Angela Merkel "Die Zeit" nəşrinə müsahibəsində deyib.

"2014-cü il Minsk razılaşmaları Ukraynaya vaxt vermək cəhdi idi. Kiyev də bu vaxtdan güclənmək üçün istifadə etdi, bu gün gördüyünüz kimi. 2014/15-ci ilin Ukraynası indiki Ukrayna deyil. O zaman NATO ölkələri Ukraynaya kömək etmək üçün indi etdikləri qədər çox şey edə bilərdilər".

Onun sözlərinə görə, Ukraynada müharibə yalnız danışıqlar masası arxasında bitə bilər.