Jurnalistika sahəsinə ağır itki üz verib. Gözəl jurnalist, filologiya elmləri namizədi, "İridiologiya" jurnalının baş redaktoru, kitablar müəllifi Şövkət xanım Hüseynova sentyabrın 6-da hər kəsi gözü yaşlı qoyaraq öz haqq dünyasına - son mənzilinə köçdü.
Həqiqətən acı xəbər oldu. Tanıdığın, çörək kəsdiyin, səfərlərdə olduğun bir insanın acı xəbərini eşitmək hər bir insan kimi mənə də ağır gəldi.
Rəhmətlik bacısı Arzu xanımın ölümü haqqında hər zaman danışardı. Bəlkə də ürəyi dözmədi bacısının ölümünə. Ürək nə qədər dözsün?
Ürəyi fikirlərlə dolu idi. Fidan qızından narahat idi. Fidan ailə qurandan sonra özündə bir rahatlıq tapdı.
Allah rəhmət eləsin. Allah o dünyasını versin.
Turaztv.az saytının kollektivi və həmkarımız Sevda xanım Əlizadə qızları Fidan xanıma və Aynur xanıma dərin hüznlə başsağlığı verir və səbr diləyir. Amin!