Kişi voleybolçulardan ibarət Azərbaycan millisi Avropa çempionatının təsnifat mərhələsinə və İslam Həmrəyliyi Oyunlarına hazırlığı Bakıda davam etdirir.

Turaztv.az AZƏRTAC-a istinadən xəbər verir ki, hazırlıq planına uyğun olaraq yığma paytaxtdakı təlim-məşq toplanışında bir neçə yoxlama görüşü keçirəcək.

Baş məşqçi Pərviz Səmədovun komandası İslamiadadakı rəqibi Mərakeş, həmçinin Belarus yığması ilə üz-üzə gələcək.

Bu gün millimiz ilk yoxlama oyununda gücünü sınayıb. Voleybol Mərkəzində Belarus millisi ilə qarşılaşan yığmamız rəqibinə 1:3 hesabı ilə məğlub olub.

Azərbaycan yığması növbəti yoxlama oyununu iyulun 21-də Belarusa, ayın 19-da və 22-də isə Mərakeşə qarşı keçirəcək.