Gəldi bu dünyaya şiri nər kimi,
Hayqırdı,meydanda hünərvər kimi,
Əsil şair kimi,əsil ər kimi,
Çox heyif ömrünə əsdi qara yel,
Köçdü bu dünyadan Sənəm Səbayel!

O göylər qızıdı,göylərə uçdu,
Göylər gəl- gəl dedi,qucağın açdı,
Görən kimdən küsdü uzağa qaçdı,
Dalınca yaş tökdü bütün oba-el,
Köçdü bu dünyadan Sənəm Səbayel.

Ayağı torpaqda,ruhu göylərdə,
Axtarır dostları onu hər yerdə,
Gəlməz ki,Solmaza salamı bir də,
Gəlib məzarına bağlaram bir tel,
Köçdü bu dünyadan Sənəm Səbayel.

Solmaz Şirvanlı