Mayın 8-də İdman Araşdırmalar Mərkəzi (İAM) və ETOPAZ-ın 10 illik yubileyi münasibətilə jurnalistlər arasında minifutbol üzrə “Zəfər kuboku” yarışında daha 3 oyun keçirilib.

Turaztv.az AZƏRTAC-a istinadən xəbər verir ki, günün ilk matçında "Füzuli" və "Cəbrayıl" komandaları üz-üzə gəliblər. Qarşılaşma "Cəbrayıl"ın 4:2 hesablı qələbəsi ilə başa çatıb.

B qrupunda "Suqovuşan" "Şuşa" komandasını sınağa çəkib. Oyunda "Şuşa" 1:9 hesabı ilə uduzub.

C qrupunda isə "Kəlbəcər" "Laçın"ı 2 cavabsız qolla məğlub edib – 2:0.

Yarışda 12 komanda mübarizə aparır və hər biri işğaldan azad olunmuş bölgəni təmsil edir.