Azərbaycan Dövlət Bədən Tərbiyəsi və İdman Akademiyasının karyera mərkəzi və Dövlət Məşğulluq Agentliyinin birgə təşkilatçılığı ilə “Tələbəlik illərində etdiyim 5 səhv” mövzusunda seminar keçirilib.

AZƏRTAC Akademiyanın saytına istinadla xəbər verir ki, seminarda Dövlət Məşğulluq Agentliyinin Peşəyönümü şöbəsinin rəhbəri Toğrul Ələkbərov çıxış edərək karyerada düzgün və uğurla irəliləmək, illik planlamanı təşviq etmək, iş həyatını və əmək bazarını doğru anlamaq, həmçinin şəxsi bacarıqlarını inkişaf etdirmək mövzusunda gənclərlə təcrübəsini bölüşüb və tələbəlik illərində ən çox yol verilən səhvlərdən danışıb. O vurğulayıb ki, doğru karyera planlaması üçün hədəflərin müəyyənləşdirilməsi, onlara doğru addımlamaq və yeni imkanlar kəşf etmək əsas şərtlərdən biridir.

Sonda iştirakçıları maraqlandıran suallar cavablandırılıb.