Xəbərlər
8.03.2022, 00:00
ANADAN DOĞULUB HAMI DÜNYADA - Bəradər SƏMƏNDƏRLİ(Xanəliyev)
Cənnət ayaqları altında olan bütün qadınları-ANAları 8 Mart Beynəlxalq Qadınlar Günü münasibətilə ürəkdən təbrik edir, xoşbəxtlik, sevinc-səadət, sevgi dolu sağlıqlı, ruzili-bərəkətli ömür arzulayır və bu şeiri onlara həsr edirəm!
ANADAN DOĞULUB HAMI DÜNYADA
Ana kainatın şah damarıdı,
O, sudan durudu, aydan arıdı,
Ana Yaradandı, ana Tanrıdı,
Dünyaya gətirir canı dünyada,
Anadan doğulub hamı dünyada.
Övladı yaşadır ananın südü,
Sanki, göz yaşıdır ananın südü.
Südlərin başıdır ananın südü,
Ayrıdır o südün tamı dünyada,
Anadan doğulub hamı dünyada.
Adam var dönukdü, zəmanə kimi,
Baxır anasına biganə kimi.
Başına dolanım pərvanə kimi,
Odur həyatımın şamı dünyada,
Anadan doğulub hamı dünyada.
Ölüm imtahandı, ömür sınaqdı,
İnsan bu dünyaya gələn qonaqdı.
Ana hər bir evdə yanan çıraqdı,
Onu əvəz edən varmı dünyada?
Anadan doğulub hamı dünyada.
Torpaq da ANAdı, Vətən də ANA,
Vətən torpağıdı vətəndə ANA.
Can verir övlada bətnində ANA,
Atanın olsa da qanı dünyada,
Anadan doğulub hamı dünyada.
Anadır həyatın dadı, mənası,
Bəradər anaya olmadı ası.
Onun ruhundadı Tanrı duası,
Ana Yer üzünün lamı dünyada,
Anadan doğulub hamı dünyada.
Bəradər SƏMƏNDƏRLİ
(Xanəliyev)
Ana kainatın şah damarıdı,
O, sudan durudu, aydan arıdı,
Ana Yaradandı, ana Tanrıdı,
Dünyaya gətirir canı dünyada,
Anadan doğulub hamı dünyada.
Övladı yaşadır ananın südü,
Sanki, göz yaşıdır ananın südü.
Südlərin başıdır ananın südü,
Ayrıdır o südün tamı dünyada,
Anadan doğulub hamı dünyada.
Adam var dönukdü, zəmanə kimi,
Baxır anasına biganə kimi.
Başına dolanım pərvanə kimi,
Odur həyatımın şamı dünyada,
Anadan doğulub hamı dünyada.
Ölüm imtahandı, ömür sınaqdı,
İnsan bu dünyaya gələn qonaqdı.
Ana hər bir evdə yanan çıraqdı,
Onu əvəz edən varmı dünyada?
Anadan doğulub hamı dünyada.
Torpaq da ANAdı, Vətən də ANA,
Vətən torpağıdı vətəndə ANA.
Can verir övlada bətnində ANA,
Atanın olsa da qanı dünyada,
Anadan doğulub hamı dünyada.
Anadır həyatın dadı, mənası,
Bəradər anaya olmadı ası.
Onun ruhundadı Tanrı duası,
Ana Yer üzünün lamı dünyada,
Anadan doğulub hamı dünyada.
Bəradər SƏMƏNDƏRLİ
(Xanəliyev)
Son xəbərlər
Ən çox oxunanlar
- Bu gün
- Bu həftə
- Bu ay
