Xəbərlər / Nesr
5.03.2022, 19:54
Bu yaz səhəri - Cümşüd AYDƏMİROV
Bu yaz səhəri
Bu da növbəti uğursuz bir şans...
Yenə də təəssüf,acı göz yaşı,
Yox daha demirəm dayan, qulaq as,
Taleyə yağdırma qarğış yağışı!
Zaman yəqin bizi sınağa çəkir,
Zaman söylədiyim filankəs deyil.
Yəni taleyimiz sərt gediş edir,
Ayaqda dayanmaq bəs hünər deyil?
Dünyanın məhvəri elə dönüb ki,
Tanrım aciz qalıb insan əlində.
Sənin dediklərin təzə deyil ki,
Yadımdan çıxıbdı deyəcəyim də.
Daha gücü çatmır hər yetən sözün,
Anlamaq dərdi var canımızda da.
Gərək elə deyəsən ki,deyəndə sözün,
"On"luğu aşırsın tuşlayanda da!
Özümə anlatmaq istəyirəm ki,
Hər gələn sabaha çox da aldanma.
Sözü məqamında deməsən bil ki,
Bu anın söhbəti sonra gec ola.
Bu yaz səhəri də əvvəlki deyil,
Ürək köks dolusu sevinə bilmir.
Bənövşə duruşu boynu bükülü,
Nərgizin qoxusu bihuş eləmir.
Yetər eşitdiyimiz acı xəbərlər,
Könüllər təşnədir yaz gəlişinə.
Yenə əvvəlkitək sevsin sevənlər,
Körpələr göz açsın Novruzam deyə.
Cümşüd Aydəmirov,
Bakı. 04.03.22
Bu da növbəti uğursuz bir şans...
Yenə də təəssüf,acı göz yaşı,
Yox daha demirəm dayan, qulaq as,
Taleyə yağdırma qarğış yağışı!
Zaman yəqin bizi sınağa çəkir,
Zaman söylədiyim filankəs deyil.
Yəni taleyimiz sərt gediş edir,
Ayaqda dayanmaq bəs hünər deyil?
Dünyanın məhvəri elə dönüb ki,
Tanrım aciz qalıb insan əlində.
Sənin dediklərin təzə deyil ki,
Yadımdan çıxıbdı deyəcəyim də.
Daha gücü çatmır hər yetən sözün,
Anlamaq dərdi var canımızda da.
Gərək elə deyəsən ki,deyəndə sözün,
"On"luğu aşırsın tuşlayanda da!
Özümə anlatmaq istəyirəm ki,
Hər gələn sabaha çox da aldanma.
Sözü məqamında deməsən bil ki,
Bu anın söhbəti sonra gec ola.
Bu yaz səhəri də əvvəlki deyil,
Ürək köks dolusu sevinə bilmir.
Bənövşə duruşu boynu bükülü,
Nərgizin qoxusu bihuş eləmir.
Yetər eşitdiyimiz acı xəbərlər,
Könüllər təşnədir yaz gəlişinə.
Yenə əvvəlkitək sevsin sevənlər,
Körpələr göz açsın Novruzam deyə.
Cümşüd Aydəmirov,
Bakı. 04.03.22
Son xəbərlər
Ən çox oxunanlar
- Bu gün
- Bu həftə
- Bu ay
