Maskalı şəxslər marketdən külli miqdarda pul oğurlayıb

Baxış Sayı:97

Maskalı şəxslər marketdən külli miqdarda pul oğurlayıb
Maskalı şəxslər böyük marketlərin birinin divarını uçuraraq, mağazadan 60 minə yaxın pul oğurlayıblar.

Azərforum-un "Report"a istinadən məlumatına görə, hadisə Gəncə şəhərinin Atatürk prospektində yerləşən marketlərin birində qeydə alınıb. İki maskalı şəxs linglə marketin arxa divarını uçuraraq içəriyə daxil olub və marketdən 40 min manatdan çox milli, 12 mindən çox xarici valyuta olan nağd pulu götürüb ərazidən uzaqlaşıblar.

Təxminən 60 min manata yaxın pulu oğurlayan maskalı şəxslər marketin müşahidə kamerasına düşüblər.

Daxili İşlər Nazirliyinin Gəncə Regional Qrupundan "Report"un Qərb bürosuna bildirilib ki, hazırda hadisə ilə bağlı araşdırmalar davam etdirilir. Həmin şəxslərin saxlanılması istiqamətində əməliyyat-axtarış tədbirləri aparılır.

Mənbə: report.az

Oxşar xəbərlər
SON XƏBƏRLƏR