Xəbərlər
16.01.2022, 00:36
YARDIMLI ŞƏLALƏSİ - Bəradər Səməndərli (Xanəliyev)
YARDIMLI ŞƏLALƏSİ
Günəş də buraya al şəfəq saçıb,
Yorğun könüllərin kədəri qaçıb.
Nişanlı qız kimi hörüyün açıb,
Yuyur, təmizləyir qayanı, daşı,
Şəlalə sevincdən tökür göz yaşı.
Buludlar suvarır uca dağları,
Üz-üzə dayanan haça dağları.
Necə vəsf etməyim bu torpaqları,
Çeşmədi, bulaqdı hər addımbaşı,
Şəlalə sevincdən tökür göz yaşı.
Elə bil cənnətin özüdü bura,
Bütün gözəlliyin gözüdü bura.
Əllini artırır, yüz edir bura,
Qədim qərinədən gəlir öz yaşı,
Şəlalə sevincdən tökür göz yaşı.
Şişman qayaların bağrını yarır.
"Zəhmət"dən "Viləş"ə bir körpü salır,
Ağrısın, acısın yuyub aparır,
Qoşulur "Viləş"ə axır yanaşı,
Şəlalə sevincdən tökür göz yaşı.
Şairlər salırlar söz şəlalədən,
Səməndərli, sən də yaz şəlalədən.
Baxmaqla doymayır göz səlalədən.
Yardımlı üzükdü, şəlalə qaşı,
Şəlalə sevincdən tökür göz yaşı.
Bəradər SƏMƏNDƏRLİ (Xanəliyev)
14.01.2022
Günəş də buraya al şəfəq saçıb,
Yorğun könüllərin kədəri qaçıb.
Nişanlı qız kimi hörüyün açıb,
Yuyur, təmizləyir qayanı, daşı,
Şəlalə sevincdən tökür göz yaşı.
Buludlar suvarır uca dağları,
Üz-üzə dayanan haça dağları.
Necə vəsf etməyim bu torpaqları,
Çeşmədi, bulaqdı hər addımbaşı,
Şəlalə sevincdən tökür göz yaşı.
Elə bil cənnətin özüdü bura,
Bütün gözəlliyin gözüdü bura.
Əllini artırır, yüz edir bura,
Qədim qərinədən gəlir öz yaşı,
Şəlalə sevincdən tökür göz yaşı.
Şişman qayaların bağrını yarır.
"Zəhmət"dən "Viləş"ə bir körpü salır,
Ağrısın, acısın yuyub aparır,
Qoşulur "Viləş"ə axır yanaşı,
Şəlalə sevincdən tökür göz yaşı.
Şairlər salırlar söz şəlalədən,
Səməndərli, sən də yaz şəlalədən.
Baxmaqla doymayır göz səlalədən.
Yardımlı üzükdü, şəlalə qaşı,
Şəlalə sevincdən tökür göz yaşı.
Bəradər SƏMƏNDƏRLİ (Xanəliyev)
14.01.2022
Son xəbərlər
Ən çox oxunanlar
- Bu gün
- Bu həftə
- Bu ay
