Yuxarı Lars keçid məntəqəsinə (Gürcüstan-Rusiya sərhədi) gedən yol ağır tonnajlı yük maşınları üçün bağlanıb.

"Turaztv.az" axar.az-a istinadla xəbər verir ki, bu barədə Gürcüstanın Regional İnkişaf və İnfrastruktur Nazirliyi məlumat yayıb.

Bildirilib ki, beynəlxalq əhəmiyyətli Mtsxeta-Stepantsminda-Lars yolunun Qudauri-Kobi hissəsində güclü qar və buz bağlaması səbəbindən yük maşınlarının keçidi qadağan edilib.

Digər nəqliyyat vasitələrinin hərəkətinə icazə verilir.

Qeyd edək ki, Hərbi Gürcüstan yolu Rusiyanı Ermənistanla bağlayan yeganə yoldur.