Vətən müharibəsinin və 2023-cü ilin 19-20 sentyabrında həyata keçirilən lokal xarakterli antiterror əməliyyatının iştirakçısı, qazi Alı Xasay oğlu Əliyev vəfat edib.

"Unikal"ın məlumatına görə, 1996-cı il təvəllüdlü Alı Əliyev müharibədə aldığı xəsarət səbəbindən ordu sıralarından tərxis olunmuşdu və hərbi xidmət dövrü ilə əlaqədar I dərəcə əlillik təyin edilmişdi.

Mərhum Ağcabədi rayonun Nəcəfqulubəyli kəndində topağa tapşırılıb.

Qeyd edək ki, mərhum "Zəngilanın azad olunmasına görə", "Xocavəndin azad olunmasına görə", "Cəbrayılın azad olunmasına görə", "Ağdamın azad olunmasına görə", "Şuşanın azad olunmasına görə" və "Vətən müharibəsi iştirakçısı" medalı ilə təltif olunmuşdu.