Müğənni Roza Zərgərli Çeçenistan Respublikasına səfəri zamanı Çeçenistan rəhbəri Ramzan Kadırovla görüşüb.

"Turaztv.az" "Unikal"-a istinadən xəbər verir ki, müğənni sosial şəbəkə hesabında Ramzan Kadırovla birgə çəkilmiş fotolarını paylaşıb.

"Çeçenistan Respublikasına və Çeçenistan Respublikasının rəhbəri Ramzan Axmatoviç Kadırova səmimi qəbula, incəsənətə verdiyi dəstəyə və Azərbaycan musiqisinə olan sevgisinə görə ürəkdən təşəkkür edirəm. Bu, mənim üçün böyük şərəf və xüsusi dəyərdir.

Bu möhtəşəm konsertin təşkilində bizi və komandamızı dəstəkləyən hər kəsə dərin minnətdarlığımı bildirirəm.

Xüsusi təşəkkür sözləri isə isti qarşılanmaya, səmimi emosiyalara və inanılmaz enerjiyə görə çeçen tamaşaçılarına ünvanlanır. Sizin sevginiz və dəstəyiniz bu axşamı həqiqətən də unudulmaz etdi.

Bizimlə olan hər kəsə təşəkkür edirəm. Yeni görüşlərədək!", - deyə Zərgərli qeyd edib.