Xəbərlər
21.05.2026, 14:26
Alidən alisən, sadə bir insan - FOTO
Elimin,obamın, doğma Dünyamalılarımın ziyalı, əli şəfalı həkim oğlu, gözəl ürəkli insan NADİR ORUCOVun yeni yaşına ..
Alidən alisən, sadə bir insan,
Əl tutdun qohuma, yada hər zaman,
Qəlbimdə elinin yolunda yanan,
Alınmaz qalamtək qurmuşam səni.
Xeyirxahlıq olub fikrin, amalın,
Yaxşılıq üstündə durur təməlin.
Bu kiçik şeirə sığmır əməlin,
Həmişə ucada görmüşəm səni.
Mən bir qərib durna, qəlbim yaralı,
Doğmalardan uzaq, rəngim saralı.
Baxma ki, düsmüşəm eldən aralı,
Gələndən, gedəndən sormuşam səni.
Nə bir ad axtardın, nə də ki, şöhrət,
Düşübdü çiyninə ağırlıq, möhnət,
Əlində şəfa var, sözündə hikmət,
Misrama, bəndimə hörmüşəm səni.
Alınmaz qalamtək qurmuşam səni.
20.05.2026
Dəyərli Nadir həkim ..
Sizi doğum gününüz münasibətilə təbrik edir, can sağlığı, xoş günlər arzulayıram..
Son xəbərlər
Ən çox oxunanlar
- Bu gün
- Bu həftə
- Bu ay
