Xəbərlər
19.05.2026, 21:36
QIZBƏS QƏBƏLƏ : Qəhrəmanlar anadan qəhrəman doğulurlar - FOTO
İQOR KŞNYAKİN
(Bu gün Azərbaycanın Milli Qəhrəmanı İqor Kşnyakinin doğum günüdür)
Qəhrəmanlar anadan qəhrəman doğulurlar,
Təmiz olur damarda dolaşan al qanları.
Bəlkə də bircə anda bax beləcə olurlar,
Fəda olur Vətənə sevgi dolu canları.
Bənzəri yoxdur onun hünərinin dünyada,
Misilsiz cəsarəti bir anda dastan oldu.
Bu məşum hadisədə özü həlak olsa da,
Ölümdən qurtardığı neçə-neçə can oldu.
Yox! O qıya bilməzdi günahsız insanlara,
Çarpışdı var gücüylə qartal kimi göylərdə.
Baxıb imdad diləyən, kömək uman canlara,
Varlığı silkələndi, ürəyi düşdü dərdə.
İllərdir səmalarda şahin kimi süzərək,
Milyon-milyon insanı çatdırmışdı məkana.
O, bu polad gəmiylə göy üzündə üzərək,
Mərdcə xidmət etmişdi doğma Azərbaycana.
İndi də həyəcansız, təmkinli olmalıydı,
Ona əmanət idi bu çarəsiz adamlar.
İlahi, necə çətin, necə ağır halıydı,
İmtahan edilirdi o gün arzular, kamlar.
Adi qəzaydımı bu, yoxsa qanlı cinayət?
Zaman azdı bunları düşünməyə, çözməyə.
Endirir təyyarəni o, bir təhər... Nəhayət,
Bəlkə də son cəhdiydi, qərar idi ölməyə.
Başqa çarə yox idi, ümidlər tükənmişdi,
Yorulmuşdu özü də, pilot dostu Saşa da.
Bu, elə gözlənilməz, çox qorxulu bir işdi,
İqor necə çarpışdı insanları yaşada.
Son dəfə qulaq asdı Hökumənin səsinə:
– Hamı yerinə keçsin, hər şey yaxşı olacaq!
Döndü bu səs qəlbində bir nicat kəlməsinə,
Təəssüf olsun, hər şey yaxşı olmadı ancaq.
Bir andaca alovlar bürüdü təyyarəni,
Dəydi zərb ilə yerə nəhəng səma gəmisi.
Yazdıqca qəlbim yanır, bir hüzn boğur məni,
Sağ qurtulur qəzadan on bir nəfər – cəmisi.
Təmiz olur damarda dolaşan al qanları.
Bəlkə də bircə anda bax beləcə olurlar,
Fəda olur Vətənə sevgi dolu canları.
Bənzəri yoxdur onun hünərinin dünyada,
Misilsiz cəsarəti bir anda dastan oldu.
Bu məşum hadisədə özü həlak olsa da,
Ölümdən qurtardığı neçə-neçə can oldu.
Yox! O qıya bilməzdi günahsız insanlara,
Çarpışdı var gücüylə qartal kimi göylərdə.
Baxıb imdad diləyən, kömək uman canlara,
Varlığı silkələndi, ürəyi düşdü dərdə.
İllərdir səmalarda şahin kimi süzərək,
Milyon-milyon insanı çatdırmışdı məkana.
O, bu polad gəmiylə göy üzündə üzərək,
Mərdcə xidmət etmişdi doğma Azərbaycana.
İndi də həyəcansız, təmkinli olmalıydı,
Ona əmanət idi bu çarəsiz adamlar.
İlahi, necə çətin, necə ağır halıydı,
İmtahan edilirdi o gün arzular, kamlar.
Adi qəzaydımı bu, yoxsa qanlı cinayət?
Zaman azdı bunları düşünməyə, çözməyə.
Endirir təyyarəni o, bir təhər... Nəhayət,
Bəlkə də son cəhdiydi, qərar idi ölməyə.
Başqa çarə yox idi, ümidlər tükənmişdi,
Yorulmuşdu özü də, pilot dostu Saşa da.
Bu, elə gözlənilməz, çox qorxulu bir işdi,
İqor necə çarpışdı insanları yaşada.
Son dəfə qulaq asdı Hökumənin səsinə:
– Hamı yerinə keçsin, hər şey yaxşı olacaq!
Döndü bu səs qəlbində bir nicat kəlməsinə,
Təəssüf olsun, hər şey yaxşı olmadı ancaq.
Bir andaca alovlar bürüdü təyyarəni,
Dəydi zərb ilə yerə nəhəng səma gəmisi.
Yazdıqca qəlbim yanır, bir hüzn boğur məni,
Sağ qurtulur qəzadan on bir nəfər – cəmisi.
Son xəbərlər
Ən çox oxunanlar
- Bu gün
- Bu həftə
- Bu ay
