Daxili İşlər Nazirliyi Masallı rayonununda baş vermiş ağır yol qəzası ilə bağlı məlumat yayıb.

Turaztv.az Publika.az-a istinadən xəbər verir ki, nazirliyin mətbuat xidmətinə verilən məlumata görə mayın 18-də saat 16 radələrində Masallı rayonunun Çaxırlı kəndi ərazisində Cəlilabad rayon sakini Sabir Ağayev idarə etdiyi “Mercedes” markalı avtomobili aşırıb. Nəticədə sürücü və həmyerlisi olan sərnişini Abdulla Abdullayev hadisə yerində ölüblər.

Qeyd edək ki, qəzada ölən şəxslərin ikisi də Cəlilabad rayon Maşlıq kənd orta məktəbinin müəllimi olub.