Turaztv.az » Xəbərlər » Əfşan Yusifqızı : Şair də, şeir də naxoş kimidi - FOTO
Xəbərlər

Əfşan Yusifqızı : Şair də, şeir də naxoş kimidi - FOTO

17.02.2026, 18:56 173
Bir şeir dolanır başımın üstə,
Guya mən şairəm, lap xoş kimidi.
Ha dedim oxşayım, könlünü alım,
Gördüm, qəm əlindən sərxoş kimidi.

Misralar pırtlaşıq, teli dolaşıb,
Bəmi yolun azıb, zili dolaşıb.
Hecalar çalpaşıq, dili dolaşıb,
Dadı bilinməyir meyxoş kimidi.

Bir vaxt sevgisindən çiçək açardı,
Bənd-bənd, misra-misra ətir saçardı.
İndi boynubükük, miskin, naçardı,
Şair də, şeir də naxoş kimidi.


Oxşar xəbərlər