Hüseyn İsaoğlu,
yazıçı-publisist, AYB-nin və AJB-nin üzvü


Hər insan sevdiyi, könül verdiyi peşənin, bir sözlə, aid olduğu sahənin yorulmaz " alpinisti" dir. Naciyə xanım Umarova da xosbəxtdir ki, onun ictimai yüksəlişə güc verən yenilikçi ruhu heç vaxt dilemma qarşısında qalmayıb, əksinə,o, həyat və yaşam məzmunundakı sərrastlığa zahiri mənalara sığinacaq etmək üçün özünün insan və müəllim bacarığından istifadə edə bilib.
Naciyə xanım da bir müəllimə kimi xalqın, dövlətin gələcəyini formalaşdırmaqda, əsl vətəndaş və şəxsiyyət yetişdirməkdə ömrünü şam kimi əridir, bütün həyatı boyu şərəfli missiyanı yerinə yetirməklə məşğul olub və yenə də məşğul olmaqdadır.
Qısa tanışlıq: Umarova Naciyə Ziyvər qızı 1962- çi ildə Oğuz rayonunun Baş Daşağıl kəndində anadan olub.1970- ci ildə Oğuz rayonu Ə. Həbibullayev adına Baş Daşağıl kənd tam orta məktəbin birinci sinfinə daxil olmuş, 1980- ci ildə həmin məktəbin onuncu sinifini bitirmişdir.
1980-1982- ci illərdə kolxozda çalışıb, 1983- cü ildə V.İ.Lenin adına APİ - nin filologiya fakültəsinin qiyabi şöbəsinə daxil olub və 1988- ci ildə təhsilini uğurla başa vurub.
1983-1986- cı illərdə Malax kənd klubunda işləyib. 1986- cı ildən 1988- ci ilədək, Oğuz rayonu Caluf kənd orta məktəbində Azərbaycan dili və ədəbiyyat müəllimi kimi fəaliyyət göstərib.
1988- ci ildən ailə vəziyyətilə əlaqədar Baş Daşağıl kənd orta məktəbində tərbiyəçi kimi çalışıb. 1998- ci ildən hal-hazıradək həmin məktəbdə Azərbaycan dili və ədəbiyyat fənnini tədris edir.
Həyat yoldaşı Əmrahov Bahadur Mustafa oğlu Gəncə Kənd Təsərrüfatı Akademiyasının zooltexnik fakültəsini bitirib. İki övladı var.
Qızı - Mustafazadə Xanım Bahadur qızı, Azərbaycan Müəllimlər İnstitutunun ibtidai sinif müəllimi fakültəsini bitirib, ailəlidir. Hal - hazırda Bakı şəhərində 316 saylı məktəbdə sinif müəllimi kimi fəaliyyət göstərir.
Oğlu - Mustafazadə Fərid Bahadur oğlu, Azərbaycan Texniki Universitetinin kompüter elmləri fakültəsini bitirib. Hal- hazırda Azərbaycan MMC - nin ŞQRF nin Oğuz şöbəsində paspotlaşma üzrə mütəxəssis işləyir.
Naciyə xanımın müəllim fəhminin ən yüksək fövqündə məhz ali ziyalılıq durur. Onun ədalət duyğusu ən çətin təlatümləri əritmək gücündədir. Çünki əmək mayasının kökündə müəllimlik kimi müqəddəslik durur.
Naciyə xanım öz xalqını ürəkdən sevir, xalq yolunda hər bir çətinliyə dözməyə hazırdır. Yetişdirdiyi şagirdlərə də məhz bu ali keyfiyyətləri aşılayır.
Onun xüsusi estetik zövqü var. Fikirlərinin fəlsəfi dəyərini sadə ısrarlarda axtarır. Bir növ, yaddaşa sadə dillə neçə təsir etməyin yollarına işıq səpir. Bunun üçün nə dəridən - qabiqdan çıxır, nə də qarşısına planlı məqsəd qoyur, sadəcə, duyğularına inanıb ruhunu iç dünyasının limanı sanır. Onun mərdanəlik hissi ailəsinin inam kəbəsidir.
O, vaxtın, zamanın ucada tutduğu ziyalıdır. Xeyirxahdır, zəhmətə bağlılığı çalışdığı sahəyə sevgisində açıq - aşkar görünür; tükənməz enerjili insandır. Ruhundakı milli hiss hər kəsi valeh edir. Kimdənsə təmənna gözləməyən, heç bir əvəz istəməyən vətəndaşdır. Ətrafındakıların sevincini, arzu və istəklərini özününküləşdirməyi bacarır. Bununlada ucalır qazanır.
Naciyə müəllimə hamıya eyni qayğıyla yanaşır, hamını eyni mehribanlıqla dinləyir, hər kəsi biliyinə və bacarığına görə qiymətləndirir. Ömründə heç zaman haqsızlıq etməyən, haqqa inanan və haqqa arxalanan Naciyə müəllimə özü kimi sözü də bütövdür. Başqa cürə də ola bilməz. Axı o, müəllimədir.
Soldan sağa: Naciyə Umarova, Natiqə Quliyeva
Naciyə müəllim şagirdləri arasında