Turaztv.az » Xəbərlər » CÜMŞÜD AYDƏMİR : Xatirə özüylə apardı ,itdi - FOTO
Xəbərlər

CÜMŞÜD AYDƏMİR : Xatirə özüylə apardı ,itdi - FOTO

09.02.2026, 15:29 146
"Gənclik illərinin şeirləri" silsiləsindən.
Ey könül

Tale yazısından qaça bilmədim,
Qəzavü-qədərdən qaçdım,ey könül.
Mən sənin əlindən qaça bilmədim,
Sən cavan yasımda vuruldun, könul,

Üfürə-üfürə içərdim suyu,
Deyərdim qazarlar mənə bir quyu,
Qorxub çəkindiyim elə bu duyğu,
Sevgimi daşlara çırpdı, ey könül.

Qalandı eşqimə ol gülürüxsar,
Dincliyim pozuldu etdim ahu-zar,
Kül oldu istəyim,yandı arzular,
Sən harda itmişdin,söylə,ey könül?

Bir şirin yuxu tək gəldi və getdi,
Xatirə özüylə apardı , itdi,
İzi ürəyimdə dərindi, şişdi,
Demə oldu keçdi, bir işdi, könül.

Cümşüdün qəlbində qaldı dərdi sər,
Bir də o küləkdən çətin ki, əsər,
İlk sevgi hələ də elə tüstülər,
Korun-korun yanan ocaq tək könül,
Korun-korun yanan ocaq tək könül!

Xudat. 09.02.26

Oxşar xəbərlər