Müzəffər Ali Baş Komandanım, doğum gününüz mübarək

Xəbərlər / Nesr

24.12.2025, 17:00

Müzəffər Ali Baş Komandanım, doğum gününüz mübarək - FOTO

Əziz Prezidentimiz, Müzəffər Ali, Baş Komandanım, əziz İlham Əliyev!

Sizi 64 yaşınız münasibətilə ən dərin ehtiramımı, səmimi təbriklərimi və ailəmin xoş arzularını qəbul etməyinizi Sizdən rica edirəm. Bu əlamətdar gündə Sizə möhkəm cansağlığı, uzun ömür, ailə səadəti, tükənməz iradə və Uca Allahdan bütün ali niyyətlərinizdə müvəffəqiyyətlər arzulayıram. Siz Ümummilli Lider Heydər Əliyevin siyasi irsini, dövlətçilik fəlsəfəsini və milli ideyalarını layiqincə davam etdirərək Azərbaycanı güclü, müstəqil və qalib bir dövlətə çevirmisiniz. Sizin qətiyyətli rəhbərliyiniz, uzaqgörən siyasətiniz və xalq–dövlət birliyinə əsaslanan idarəçilik modeliniz sayəsində Azərbaycan regionun lider ölkəsinə, söz sahibi olan güclü bir dövlətə çevrilib. Tarixə qızıl hərflərlə yazılan 44 günlük Vətən Müharibəsində Müzəffər Ali Baş Komandan kimi nümayiş etdirdiyiniz siyasi iradə, milli qürur və sarsılmaz liderlik xalqımızın taleyində yeni bir zəfər səhifəsi açdı. Bu Qələbə təkcə hərbi deyil, həm də milli ruhun, ədalətin və haqqın təntənəsi oldu. Bu gün Azərbaycan dünyada “güclü dövlət, güclü lider” konsepsiyası ilə tanınır və hörmətlə qəbul edilir. Xalqımız Sizə inanır, Sizə güvənir və Sizinlə qürur duyur. Allah Sizi bu xalqın, bu dövlətin başından əskik etməsin. Azərbaycan naminə gördüyünüz bütün işlərdə daim Zəfər, Uğur və Qələbə Sizinlə olsun!

EY VƏTƏN OĞLU

Azəri yurdunun igid oğlusan,
Döyünən ürəyi,sabahisan sən,
Gələcək gününə işiq paylayan,
Tükənməz,nur saçan çirağisan sən.
Öz böyük,uğurlu əməllərinlə.

Sən Heydər Babanin yadigarisan,
Siyasi kursunun etibarisan,
Zirvəyə ucalan şöhrət-şanisan,
Qədim, Ulu xalqin iftixarisan.
Öz dönməz,vüqarli mətanətinlə.

Bütün pillələrdə üz-üzə durdun,
Siyasi yollarla onlari vurdun,
Dikəlməz,çixilmaz pis günə qoydun,
Tarixdən yerini,yurdunu sordun,
Ağil xəzinənlə,söz qüdrətinlə.

Günəş tək parlaqsan,aydan da nurlu,
Su kimi $əffafsan,həm də qürurlu,
Yetirib Yaradan! Ey Vətən oğlu!
Atdiğin addimlar olsun uğurlu,
Sən daim birgə ol,ər millətinlə.