Amerika lideri Donald Tramp prezidentlik müddəti başlayandan bəri ilk dəfədir ki, Ukraynaya hərbi dəstək üçün əlavə vəsait ayırmaq imkanını nəzərdən keçirir.

Turaztv.az AZƏRTAC-a istinadən xəbər verir ki, bu barədə CBS telekanalı mənbələrə istinadla məlumat yayıb.

Telekanal mümkün yeni maliyyə mənbəyinin məlum olmadığını qeyd edərək, Trampın Co Baydenin əvvəlki administrasiyasından qalan təxminən 3,85 milyard dollar olduğunu izah edib. Onlar Amerika Prezidentinə fövqəladə hallar zamanı Konqresin təsdiqi olmadan fərmanla xarici tərəfdaşa silah tədarük etməyə imkan verən mexanizm vasitəsilə ayrılıb.

CBS etiraf edir ki, Tramp bu vəsaiti Kiyevə silah ötürmək üçün istifadə edə bilər. Telekanalın mənbələrinə görə, belə bir addım “Rusiyaya siqnal” rolunu oynayacaq. Eyni zamanda, Trampın ABŞ-dakı dondurulmuş Rusiya aktivlərinin 5 milyard dollarını Ukraynaya köçürə biləcəyini qeyd edərək, nə Ağ Evin indiki rəhbərinin, nə də ən yüksək dövlət postunda olan sələfinin belə bir tədbirə əl atmadığını vurğulayır.

Cümə günü “Politico” öz mənbələrinə istinadla yazıb ki, Tramp Ukraynaya yüz milyonlarla dollar dəyərində silah və hərbi texnika paketi verməyi düşünür.