7 may 2025-ci il tarixdə DŞRMİ-nin tabeliyində olan M.Ə.Sabirin Şamaxıdakı Ev-Muzeyində elmi sessiya keçirildi

Xəbərlər

7.05.2025, 21:12

7 may 2025-ci il tarixdə DŞRMİ-nin tabeliyində olan M.Ə.Sabirin Şamaxıdakı Ev-Muzeyində elmi sessiya keçirildi - FOTO

HEYDƏR ƏLİYEV - 102

Müasir dövlətçiliyimizin banisi, Azərbaycan xalqının Ümummilli Lideri, nadir şəxsiyyət Heydər Əliyevin anadan olmasının 102-ci ildönümünə həsr edilmiş “Ulu Öndərin ömür yolu Vətənə və xalqa xidmət nümunəsidir!” mövzusunda keçirilən elmi sessiyanı muzeyin direktoru Rəqsanə Xəlilzadə açdı.

Öncə, Ümummilli Lider Heydər Əliyevin və ölkəmizin ərazi bütövlüyü uğrunda həlak olmuş şəhidlərimizin əziz xatirəsi bir dəqiqəlik sükutla yad edildi.
Muzeyin direktoru məruzə ilə çıxış edərək, bildirdi ki, tarixə öz adını əbədi həkk etmiş nadir şəxsiyyət, qüdrətli siyasi xadim Heydər Əliyevin həyat və fəaliyyəti hər bir Azərbaycan vətəndaşının qürur mənbəyidir. Tale birinci dəfə Azərbaycan xalqının üzünə 56 il əvvəl güldü.1969-cu il iyulun 14-də Heydər Əliyev Respublikaya rəhbər seçilən gün! İkinci dəfə 15 iyun 1993-cü ildə hakimiyyətə qayıdışı ilə dövlətimizin müstəqilliyi qorunub saxlandığı gün! Xalqımızın tarixində və taleyüklü məsələlərin həllində müstəsna rol oynamış görkəmli dövlət xadimi Heydər Əliyev XX əsr Azərbaycan siyasətinin parlaq siması və XXI əsr müstəqillik kursunun memarıdır. Ulu Öndər ölkəmizə rəhbərlik etdiyi istər sovet ,istərsə də müstəqillik dövründə Azərbaycanın inkişafı, çiçəklənməsi, xalqımızın rifahı naminə mühüm işlərə imza atdı. Dünyada tarix yazanlar çox olsada tarix yaradanların sayı azdır. Çünki, tarix yaratmaq tarix yazmaqdan qat-qat çətin və məsuliyyətli işdir. Böyük qürur hissi ilə deyirəm ki, H.Əliyev tarix yaradan və tarixə əbədi imza atan dahi şaxsiyyətlərdəndir.
DŞRMİ- nin baş məsləhətçisi Şamaxı rayon üzrə nümayəndə R.Tağızadə, S.M.Qənizadə adına Şamaxı şəhər 1 saylı tam orta məktəbin tarix müəlliməsi U.Xəlilova ümummilli lider Heydər Əliyevin mənalı ömür yolundan, Azərbaycanın inkişafı naminə misilsiz xidmətlərindən söhbət açaraq vurğuladılar ki , Heydər Əliyevin xalqımızın milli-mənəvi irsini özündə yaşadan azərbaycançılıq ideyası tariximizdə illər keçdikcə daha dərindən dərk ediləcəkdir. Dahi rəhbərin ömür yolu Vətənə və xalqa sədaqətlə xidmət nümunəsidir.
Ulu Öndərin əziz xatirəsi xalqımızın qəlbində daim yaşayacaq, heç vaxt yaddaşlardan silinməyəcəkdir.
Dərin ehtiramla anırıq!