Kanada martın 13-dən etibarən təxminən 20 milyard dollarlıq ABŞ idxalına 25 faiz rüsum tətbiq edəcəyini açıqlayıb.

"Turaztv.az" “Qafqazinfo”-ya istinadən xəbər verir ki, bu haqda Kanadanın maliyyə naziri Dominik Leblank açıqlama verib.

“Bu gün mən elan edirəm ki, Kanada hökuməti dollara-dollara yanaşmasından sonra sabah, 13 mart 2025-ci il gecə yarısından etibarən ABŞ-dən əlavə 29,8 milyard Kanada dolları idxalına 25% cavab tarifləri tətbiq edəcək”, - o qeyd edib.

Onun sözlərinə görə, rüsumlar polad və alüminium məhsullarına, eləcə də digər idxala təsir edəcək.

Leblank həmçinin əlavə edib ki, Kanada və ABŞ nümayəndə heyətləri martın 13-ü cümə axşamı günü görüş keçirməli olacaq və orada ticarət mübahisələrinin həlli müzakirə olunacaq.

Qeyd edək ki, ABŞ Prezidenti Donald Tramp ötən gün Kanada məhsullarına yeni tariflər tətbiq ediləcəyini açıqlamışdı.