Xəbərlər / Nesr
18.08.2024, 22:03
XALQIMIZIN DƏYƏRLİ OĞLU, AKADEMİK ƏHLİMAN ƏMİRASLANOVA SƏS VERMƏYƏ ÇAĞIRIRAM
VƏTƏNİMİZİ, MİLLƏTİMİZİ DÖVLƏTİMİZİ, XALQIMIZI VƏ MÜSTƏQİL AZƏRBAYCANIMIZI SEVƏNLƏRİ, XALQIMIZIN DƏYƏRLİ OĞLU, AKADEMİK ƏHLİMAN ƏMİRASLANOVA SƏS VERMƏYƏ ÇAĞIRIRAM
(Çox istərdim ki, bu sətirləri müasir gəncliyimiz də oxusun, lakin, ata və babalarına sual edib, həqiqəti səbrlə dinlədikdən sonra, bir də təkrarən, lakin düşünərək oxusun)
Sovetlər dönəmində SSRİ kimi istəklərin dünyaya diqtə edən nəhəng bir dövlətin elm, təhsil və dövlət strukturlarının cəm olduğu Moskva adlı vahid bir başkəndi- mərkəzi var idi. Ümüdsüzliyə, haqsızlığa düçar olan və ya ümüdsüz xəstələrin son ümüd yeri bilib üz tutduğu bu məkanda, insanların bir ümüd yeri, bir dayağı, bir arxası, qapısını ümüdlə döyə biləcəyi bir insan var idi. O, vətən və millət sevdalı, Əhliman Əmiraslanov idi. O dövrdə Əhliman müəllimin sadə vətən övladları üçün etdiklərini, adi tələbə və aspirant olan Bizlərə dayaq, arxa durub, necə əl tutduğunun canlı şahidlərindən biri də mənəm. Azərbaycana qayıtdıqdan sonra, 100-lərlə insanı "xərçəng" adlı ölümün pəncəsindən qurtaran, məşhur alim, akademik Cəmil Əliyevlə birlikdə Azərbaycanda "Onkoloji Məktəbi" yaradan iki böyük dahi şəxsiyyətdən biridir, akademik Əhliman Əmiraslanov.
ATU-ya rəhbərlik etdiyi dövrdə ATU əməkdaşlarına əlindən gələn köməkliyi əsirgəməyən, daima tələbələrin yanında olan, onlara övlad məhəbbəti və övlad qayğısı göstərən insandır, Əhliman Əmiraslanov.
Sadədir, Vətənsevərdir, Millətsevərdir, Dövlətçiliyə bağlı, müstəqil Azərbaycan ideyalarına sadiqdir, Əhliman Əmiraslanov.
Onun deputat seçiləcəyi təqdirdə sadə vətəndaşların üz tuta biləcəyi, sadə bir ünvandır, Əhliman Əmiraslanov.
Gəlin səsimizi Vətən yanğılı insana, dəyərli alimimizə, ayağı çörəkli, nurlu şəxsiyyətə, nəhayət sadə insan, Bizlərdən biri və daima yanımızda olana, yeganə ümüd yerimiz, akademik Əhliman Əmiraslanova verək.
Mən 67 saylı Sabirabad seçki dairəsindən Bizimlə həmfikir və əqidə birliyi olan bütün həmvətənlərimi, Bizlərə əziz olan Əhliman müəllimə səs verməyə çağırıram.
Ulu Tanrı şahiddir ki, qəlbimin səsi olan bu sətirlər, Mənim istəyim yox, haqqın diqtəsi və haqqın səsidir. Odur ki, Mən, bunları qələmə almalı idim və aldım.
Musa Qəniyev
Tibb Elmləri Doktoru, Professor
Oxşar xəbərlər
Son xəbərlər
Ən çox oxunanlar
- Bu gün
- Bu həftə
- Bu ay
