Həlak olan general Qasım Süleymanin xatirəsi üçün İran İslam Respublikasının Azərbaycandakı səfirliyinin qarşısına gül dəstələri qoyulub.
Bizimyol.info xəbər verir ki, səfərliyin qarşısında səfirliyin önündə qoyulmuş masada generalın şəkili və qərənfil gülləri qoyulub.

Qeyd edək ki, İran Silahlı Qüvvələrinin elit bölməsi olan İslam İnqilabı Keşikçiləri Korpusunun (“Sepah”) “Qüds” qanadının İraq paytaxtı komandiri general Qasım Süleymani yanvarın 3-də ABŞ-ın endirdiyi hava zərbələri nəticəsində Bağdadda öldürülüb.

Dünən Tehran Universitetində təşkil olunan mərasimə İranın ali rəhbəri Ayətullah Əli Xamenei, prezident Həsən Ruhani, hökumət üzvləri və din xadimləri qatılıb. Azərbaycan, Türkiyə, Fələstin, Əfqanıstan, İraq, Suriya, Özbəkistan, Keniya, Qvineya-Bisaunun İrandakı səfirləri mərasimdə iştirak ediblər.

Q.Süleymani bu gün doğulduğu Kerman şəhərində dəfn olunacaq.