Xəbərlər
20.10.2023, 22:50
BELA ZƏNGİBASARLI: GÜNAHSIZLARIN AHI - FOTO
GÜNAHSIZLARIN AHI
Mələküzlü olsa da,
Qəlbində yatır şeytan.
Həm qorxulu bir iblis,
Həm dözülməz şarlatan.
Xeyirxaha, dürüstə,
Nankorca təpik atan,
Allahdan qorx,qazanma,
Bəd duanı, günahı,
Bil ki, tutacaq səni,
Günahsızların ahı.
Yalan-dolanlarınla,
Hey dolanıb,gəzirsən.
Tilovuna düşəni,
Məharətlə əzirsən.
İyrənc oyunlarından
Usanmırsan, bezmirsən,
Bu gün keyflə yaşama,
Düşün bir az sabahı,
Bil ki, tutacaq səni,
Günahsızların ahı.
Uçursan havalarda,
Göydən yerə baxırsan.
Ürək yandıranların,
Ürəyini yaxırsan.
Nəfsinlə könüllərdən,
Könüllərə axırsan,
Üstün tutma özündən,
Acgözlüyü, tamahı,
Bil ki, tutacaq səni,
Günahsızların ahı.
Qəddar əməllərinlə,
Dolanma arsız-arsız.
Pislikdən zövq alma gəl,
Ay imansız, a qansız.
Pambıqla baş kəsmə sən,
Olma belə vicdansız,
Gözü yaşlı qalanın,
Allahadır pənahı,
Bil ki, tutacaq səni,
Günahsızların ahı.
Qəlbində yatır şeytan.
Həm qorxulu bir iblis,
Həm dözülməz şarlatan.
Xeyirxaha, dürüstə,
Nankorca təpik atan,
Allahdan qorx,qazanma,
Bəd duanı, günahı,
Bil ki, tutacaq səni,
Günahsızların ahı.
Yalan-dolanlarınla,
Hey dolanıb,gəzirsən.
Tilovuna düşəni,
Məharətlə əzirsən.
İyrənc oyunlarından
Usanmırsan, bezmirsən,
Bu gün keyflə yaşama,
Düşün bir az sabahı,
Bil ki, tutacaq səni,
Günahsızların ahı.
Uçursan havalarda,
Göydən yerə baxırsan.
Ürək yandıranların,
Ürəyini yaxırsan.
Nəfsinlə könüllərdən,
Könüllərə axırsan,
Üstün tutma özündən,
Acgözlüyü, tamahı,
Bil ki, tutacaq səni,
Günahsızların ahı.
Qəddar əməllərinlə,
Dolanma arsız-arsız.
Pislikdən zövq alma gəl,
Ay imansız, a qansız.
Pambıqla baş kəsmə sən,
Olma belə vicdansız,
Gözü yaşlı qalanın,
Allahadır pənahı,
Bil ki, tutacaq səni,
Günahsızların ahı.
BELA ZƏNGİBASARLI
20.10.2023.
20.10.2023.
Son xəbərlər
Ən çox oxunanlar
- Bu gün
- Bu həftə
- Bu ay
