"Maşlıq kənd məktəbində riyaziyyat müəllimi işləyən Zəfər Miriyev evində yatdığı yerdə dünyasını dəyişib. Onun meyiti üzərində hər hansı zorakılıq əlamətləri açkarlanmayıb”.

Bunu Modern.az-a Cəlilabad rayon Maşlıq kənd icra nümayəndəsi Rəzzaq İsbarov bildirib.

1983-cü il təvəllüdlü Zəfər Miriyevin yaşadığı mənzildə ölü tapılmasına münasibət bildirən icra nümayəndəsinin sözlərinə görə, mərhum bir müddət əvvəl qripə tutulubmuş:

"Sadəcə, ürəyində problem yaranıb və dünyasını dəyişib. Həkimlər və polis meyitin üzərində yoxlama aparıblar. Heç bir kənar müdaxilə aşkar olunmayıb”.

Kənd rəsmisi bildirib ki, dünyasını dəyişən şəxs tək yaşayırmış:

"Gənc müəllim olan Zəfər Miriyev əslən Lerikdən idi. Bir dəfə ailəli olub boşanmışdı. Kənddə kirayədə yaşayırdı”.

Faktla bağlı Cəlilabad rayon Prokurorluğu tərəfindən araşdırma aparılır.