Ölüm gəzir sədəqə...
Çölüm bahar kimidir,
İsidir hər nəfəsi.
Könlüm boranlı qış tək,
Titrədir həsrət, səsi.
Kimsə bilməz ne qədər,
Qəm yığmışam saçıma.
Hər telim keçilməz yol,
Dolanıb qəlb acıma...
Açan qızılgüllərin ,
Köksün didər böcəklər.
Bütün ağrı acısın,
Qucaqlayıb ləçəklər...
Kədər soruşmur səndən
Qapı bacan varmıdır?..
Bəxt qapısı qırılıb,
Ordan gedən yarmıdır?..
Məni tənha xatırla,
Çünkü sənsiz yazaram.
Sən bilinən ,mən gəzən,
Tənha ,yazıq məzaram...
Dəniz dalğalar kimi,
Ləpə döyür vərəqə.
Hərdən coşub tufanla,
Ölüm gəzir ,sədəqə....
Elza Dəniz Nur.
23.11.22.
