Qazaxıstanın yeni prezidenti Kasım-Jomart Tokayev məmurların sayının çox olduğunu düşünür. O, dövlət büdcəsindən maliyyələşən təşkilatların əməkdaşlarının 25 faizinin işdən çıxarılmasını istəyir.
Bizimyol.info xəbər verir ki, Qazaxıstan prezidenti gələn ildən etibarən məmurların sayını azaltmağa başlayacaq. Proses 2024-cü ilə qədər davam edəcək.

Tokayev bildirib ki, bu yolla işin effektliyini artıra biləcəklər. Üstəlik, dövlət müəssisələrinə yeni gənc kadrların cəlb olunması prosesi sürətlənəcək. Ortaya çıxan əlavə vəsat də yeni kadrlara sərf olunacaq. Tokayev 2024-cü ilə qədər məmurların azı 25 faizinin işdən azad edilməsində israrlı olduğunu bildirib.

Tokayev iyunun 12-də Qazaxıstanın yeni prezidenti seçilib. O, dövlət başçısı postunda Nursultan Nazarbayevi əvəz edib.