Sabunçu rayonunda iki avtomobil toqquşub, bir nəfər yaralanıb.

Oxu.Az xəbər verir ki, hadisə Maştağa qəsəbəsində baş verib.

İki minik avtomobilinin toqquşması nəticəsində 23 yaşlı Soltanov Nizam Ramiz oğlu yaralanıb.

N.Soltanov dərhal xəstəxanaya çatdırılıb. Ona bədənin müxtəlif nahiyələrinin əziyi diaqnozu qoyulub. Vəziyyəti kafidir.

İlkin tibbi yardım göstərildikdən sonra ambulator müalicəyə göndərilib.

Faktla bağlı Sabunçu Rayon Polis İdarəsində araşdırma aparılır.