Terror təşkilatı DHKP-C-nin üzvü Türkiyə Prezidenti Rəcəb Tayyib Ərdoğanın evinin qarşısında gizli şəkildə fotolar çəkərkən saxlanılıb.


"Turaztv.az" redaktor.az-a istinadən xəbər verir ki, bu barədə Türkiyənin "Milliyət" qəzeti məlumat yayıb.


Məlumata görə, adı ictimaiyyətə açıqlanmayan şəxs Ərdoğanın Üsküdar Kısıklıdakı iqamətgahını lentə alarkən təhlükəsizlik əməkdaşları tərəfindən yaxalanıb.


Təşkilat nümayəndələrindən ibarət digər 21 nəfər də iqamətgahın yerləşdiyi ərazinin yaxınlığında ələ keçirilib.


Saxlanılan şəxsin iqamətgahın yanında müxtəlif fotolar çəkdiyi, digər təşkilat nümayəndəlirini gözlədiyi və təxribata hazırlaşdıqları məlum olub.