Xəbərlər
8.07.2026, 10:19
Bəzən bir insanın dediyi bir cümlə , başqa bir insanın həyata sarılmasına səbəb olur…
Şəhid anası
Ötən gün dəyərli ilahiyyatçımız,din xadimi,ictimai xadim ,xeyriyyəçi , şəhidlərin əziz dostu Hacı Şahinin doğum günü idi.
Dünyasını dəyişsə də fikirləri , sevgisi , dəyəri hələ də yaşamağa davam edir. Hacı Şahinin çıxışlarını dinlədikcə anlayırsan ki , onun məqsədi insanları bir -birinə qarşı deyil , bir - birinə doğru yönəltməkdir.Dəfələrlə şahidi olmuşam ki,ümidsizliyə qapılmış , taleyin ağırlığı altında əzilən neçə- neçə insan onun sözlərindən təsəlli tapıb həyata yenidən sarılıblar.O sevgini ,mərhəməti , haqqı ,ədaləti , ailə dəyərlərini , Vətən sevgisini və insan olmağın məsuliyyətini təbliğ edirdi.
Hacı Şahin ilk növbədə dinə insanın mənəvi kamilləşməsi yolu kimi baxırdı.Onun çıxışlarında din xof yaratmaq üçün deyil , insanı yaxşılığa , mərhəmətə və Allaha sevgiyə çağıran bir vasitə kimi təqdim olunurdu.
Onun vurğuladığı əsas fikirlər bunlar idi:
“ İman yalnız ibadətlə deyil, gözəl əxlaqla tamamlanır”
“ Allahın rəhməti sonsuzdur və heç bir insan ümidsizliyə qapılmamalıdır”
“Ailə dəyərləri ,valideynə hörmət , dürüstlük və vicdan dinin əsas sütunlarıdır.”
Ümumilikdə o , fanatizmə qarşı çıxır , dini hikmət , təmkin və elm yolu ilə anlatmağa çalışırdı.
Gənclərin dini savadı olmaqla yanaşı,müasir dünya və elmi də öyrənməsini vacib sayırdı.Hacı Şahin şəhidlərimizin dəfnində və məclislərində iştirak edir , xütbələri ilə şəhid ailələrinə mənəvi dəstək olurdu. O dini ağır hökmlər toplusu kimi deyil ,insan qəlbini saflaşdıran , ümid verən və həyatı mənalandıran bir yol kimi izah etməyə çalışırdı. Elə buna görə də onun çıxışları müxtəlif düşüncəli insanlar arasında rəğbətlə qarşılanırdı.
Mənə elə gəlir ki , Hacı Şahinin sevilməsinin ən vacib şərtlərindən biri isə onun sözünün əməli ilə təsdiqlənməsi idi. O yalnız gözəl danışmırdı , danışdıqlarını öz həyatında da yaşayırdı.
Elə buna görə də dedikləri qəlblərə yol tapır ,özü isə insanların sevgisini qazanırdı.
Allah yerini behişt , ruhunu şad eləsin gözəl insan!
Son xəbərlər
Ən çox oxunanlar
- Bu gün
- Bu həftə
- Bu ay
