Xəbərlər
6.07.2026, 00:13
Gülnarə Məhəmmədqızı : Orda susar qəlbi yoran gümanlar - FOTO
Sükutun Hikməti
Bağlandım sükutun dərinliyinə,
Sözlərdən yorulub susduğum zaman.
Açmadım qapımı səsə, nə küyə,
Könlümdə dincliyi aradığım an.
Görünsəm, min sual çıxar qarşıma,
Hər cavab köhnə bir yaranı açar.
Bəzən də susmaqda min hikmət yatır,
O hikmət ruhuma nur təki saçar.
Vaxt oldu hər sözün dalınca qaçdım,
Həqiqət axtardım, tapmadım yenə.
Bəzən də hökmünü sükut verəndə,
Min sərt cavabdan da ağırmış demə.
İstədim öyrənim daş ürək olum,
Qəlbi daş eyləmək nə çətin imiş.
İllər sınağından keçən bir insan,
Gördüm ki, səbirli, çox mətin imiş.
Fırtına qopanda mənim içimdə,
Sükut liman oldu yorğun ruhuma.
Çopur qayalar tək sınandım hərdən,
Hər zərbə bir naxış vurdu duyğuma.
Dedim, qoy eşitsin məni Yaradan,
O qəlbin səsini dilsiz də anlar.
Sükutun qoynunda dinclik tapmışam,
Orda susar qəlbi yoran gümanlar.
Sözlərdən yorulub susduğum zaman.
Açmadım qapımı səsə, nə küyə,
Könlümdə dincliyi aradığım an.
Görünsəm, min sual çıxar qarşıma,
Hər cavab köhnə bir yaranı açar.
Bəzən də susmaqda min hikmət yatır,
O hikmət ruhuma nur təki saçar.
Vaxt oldu hər sözün dalınca qaçdım,
Həqiqət axtardım, tapmadım yenə.
Bəzən də hökmünü sükut verəndə,
Min sərt cavabdan da ağırmış demə.
İstədim öyrənim daş ürək olum,
Qəlbi daş eyləmək nə çətin imiş.
İllər sınağından keçən bir insan,
Gördüm ki, səbirli, çox mətin imiş.
Fırtına qopanda mənim içimdə,
Sükut liman oldu yorğun ruhuma.
Çopur qayalar tək sınandım hərdən,
Hər zərbə bir naxış vurdu duyğuma.
Dedim, qoy eşitsin məni Yaradan,
O qəlbin səsini dilsiz də anlar.
Sükutun qoynunda dinclik tapmışam,
Orda susar qəlbi yoran gümanlar.
Son xəbərlər
Ən çox oxunanlar
- Bu gün
- Bu həftə
- Bu ay
