Almaniyanın Münhen şəhəri rekord temperatur, uzun sürən quraqlıq və yeraltı suların səviyyəsinin aşağı düşməsi səbəbindən ciddi su qıtlığı problemi ilə üzləşib.

“Qafqazinfo” xəbər verir ki, yaranmış kritik vəziyyətlə əlaqədar şəhərdə su təchizatı sahəsində fövqəladə vəziyyət elan edilib.

Münhenin meri Dominik Krauze qalan su ehtiyatlarının qorunması üçün tədbirlər planı hazırlayacaq xüsusi işçi qrupu yaradıb.

Nəşrin dəqiqləşdirdiyi məlumata görə, hazırda əhalinin içməli su təminatı sabit qalsa da, şəhərdə ciddi məhdudiyyətlər tətbiq olunmağa başlayıb. Məsələn, pəncərələrin yuyulması işləri dayandırılıb, şəhərdəki 150 dekorativ fəvvarədən ən azı 10-u söndürülüb. Bu qərar ilk növbədə daha çox su sərf edən böyük fəvvarələrə şamil olunub.

Bundan əlavə, yerli sakinlərdən su istehlakını minimuma endirmək xahiş olunub: avtomobilləri yumamaq, vanna qəbulu əvəzinə duşdan istifadə etmək, dişləri fırçalayarkən kranı bağlamaq və hovuzları doldurmamaq tövsiyə edilib.