Aura ilə müşayiət olunan miqren insult riskini təxminən ikiqat artırır, siqaret çəkmək və yüksək təzyiq əlavə risk yaradır.

"Unikal" Rusiya mətbuatına istinadən xəbər verir ki, bunu nevroloq Kseniya Şevtsova deyib.

Həkimin sözlərinə görə, miqren şiddətli baş ağrıları ilə xarakterizə olunan nevroloji bir xəstəlikdir. Aura - işığın parıltıları, gözlərin qarşısında tünd ləkələr və bulanıq görmə - baş ağrısı tutmasından əvvəl və ya tutma zamanı da yarana bilər.

"Orta tədqiqat məlumatlarına görə, aura ilə müşayiət olunan miqren insult riskini təxminən iki dəfə artırır. Bununla belə, fərdi risk faktorlarını diqqətlə qiymətləndirmək vacibdir. İnsultlar ən çox siqaret çəkən və ya yüksək təzyiqdən əziyyət çəkən insanlarda baş verir", - deyə nevroloq xəbərdarlıq edib.

Həkim qeyd edib ki, digər risk faktorları olmadığı təqdirdə ağır miqren tutmaları ilə belə, insult riski minimaldır.