Turaztv.az » Xəbərlər » HƏSƏNXAN ƏSƏDOV : Şairlər Tanrının sevdikləridir - FOTO
Xəbərlər

HƏSƏNXAN ƏSƏDOV : Şairlər Tanrının sevdikləridir - FOTO

06.06.2026, 07:37 200
Şairlər gününə....

Şairlər Tanrının sevdikləridir

Şairlər böyükdür, qəlbləri çağa,
Baxanda bənzəyir uca bir dağa,
Həyat ömrüboyu çəkir sınağa,
Başına dərd yağır,vicdan satmayır.

Göylərdən yüz niyyət ələyir şair,
Haqqı həqiqətlə bələyir şair,
Hamıya xoşbəxtlik diləyir şair,
Əfsus taleyinə əli çatmayır.

Dünyanın dərdinə yanır, alışır,
Gah yağır, göllənir, selə qarışır,
Bəzən bəxtsizliyə dözür, barışır,
Acılar içində üzür, batmayır.

Misrası gözyaşı, axan təridir,
Ömrü söz yoğurur, qələm əridir,
Şairlər Tanrının sevdikləridir,
Özü bitsə belə, yolu bitməyir.

05.06.2026

Oxşar xəbərlər