Pişiklərə həddindən artıq diqqət göstərmək və onları tez-tez qucaqlamaq heyvanın sağlamlığına mənfi təsir göstərə bilər.

Bunu rusiyalı biologiya elmləri namizədi, baytar Natalya Zueva bildirib.

Onun sözlərinə görə, pişiklər şəxsi məkanlarına ehtiyac duyur və daim qucağa alınmaları onlarda stress yarada bilər. Mütəxəssis qeyd edib ki, ev heyvanının gizlənib dincələ biləcəyi yer olmalıdır və elə hallarda onu narahat etmək düzgün deyil.

Baytar bildirib ki, heyvanın şəxsi sərhədlərinin pozulması əhvalının pisləşməsinə, hətta xroniki xəstəliklərin kəskinləşməsinə səbəb ola bilər.