Xəbərlər
30.05.2026, 00:09
MƏMMƏD QƏDİR : Dərk edir - FOTO
Bulud görüb varlığını tərk edir.
Axşam düşdü, qapısından qovladı,
Yəqin ana sevgisinə ərk edir.
Görən neçə bəndə söyür övladı,
Öyən sevir, söyən sevmir?- olmadı...
İlahinin tərəzidir son adı,
Qanmaza asta, qanana bərk edir.
Əsa tapdım bu hikməti duyuncan,
Demək ağlım heç yox imiş qoyuncan,
Xeyirxahlıq çeşməsində yuyun, can,
Duyacaqsan şeytan qaçır, şər gedir.
İnsan qəlbi yorulunca tər işlər,
Kəhər ömrün son rəsmini xər işlər,
Cəhənnəmə sürükləyir şər işlər,
Xeyirxahlıq bu dünyaya bərkidir.
Xeyir ilə baslamasan günə ha,
Ayın qarğısa bələnər, gün aha,
Kim xeyirə xidmətçı, kim günaha,
SübhanAllah aqibət də fərq edir.
Aman vermə vicdanına suç enə,
Gözün qəlbin mirabısa, suçu nə,
Baxan yoxsa baxmayanın suçu nə?
Aqibətin sən yaradan sərgidir.
Gizlət, sevinc heç duymasın dərdini,
Sevinc yarat, yoxsa bəxtə dərd enir,
Bir həyatdan uzun imiş dərd eni,
Məmməd Qədir indi-indi dərk edir...
Son xəbərlər
Ən çox oxunanlar
- Bu gün
- Bu həftə
- Bu ay
