Xəbərlər
29.05.2026, 00:48
RESPUBLİKAM - FOTO
Odlardan, tufanlardan doğum günün mübarək!
Gül açdı arzularım, bəhrə verdi son məqam,
Tarixlərə səs salan şanlı ünün mübarək!
Yolunda şəhid olan oğulların ruhusan,
Qoca Şərqə ilk əsən azadlığın mehisən,
Qəlbimizdən süzülən məhəbbətin şehisən,
Gələcəyə səs salan şanlı dünün mübarək!
Zülmət gəldi, yol azdıq, səni itirdik bir an,
Ayrı saldı bizləri yetmiş illik bir zaman,
Yaşatdıq ruhumuzda, verdik sənə yeni can,
Qəlbimizə səpdiyin şərəf dənin mübarək!
Tarixin təltifidir bayrağın da, gerbin də,
Gözünə mil çəkirsən şimalın da, qərbin də,
Qələbənin əzmi var hər qüdrətli hərbində,
Qalibiyyət möhürlü rütbən, çinin mübarək!
Səni kimlər yaratdı, kimlər verdi can sənə,
Verdilər şəhidlərim yaşamaqçın qan sanə,
Qayıtdı əzəl adın,- Azərbaycan sənə,
Tarixlərdən boy verən müdrik sinin mübarək!
Son xəbərlər
Ən çox oxunanlar
- Bu gün
- Bu həftə
- Bu ay
