Votsap tətbiqində yeni dizayn dəyişiklikləri sınaqdan keçirilir.

“Qafqazinfo” xarici KİV-ə istinadən xəbər verir ki, yenilənmə həm Android, həm də iPhone istifadəçiləri üçün hazırlanır.

Belə ki, yeni dizaynda mesajlar daha yumru görünəcək və tətbiqin görünüşü daha müasir olacaq. Bundan başqa, foto, video və GIF-lər əvvəlki kimi kvadrat çərçivədə deyil, daha sadə və rahat formada göstəriləcək.


Məlumata görə, yeni görünüş hazırda Beta versiyada test edilir.

Daha əvvəl Android üçün yoxlanan bu dəyişikliklər indi iPhone-larda da sınaqdan keçirilir.

Yeni dizaynın “iMessage” tətbiqinə bənzədiyi bildirilir.