“Sezercik” obrazı ilə yaddaşlarda qalan Sezer İnanoğlu uzun müddət sonra yenidən ictimaiyyətin diqqət mərkəzinə düşüb.

“Qafqazinfo” xəbər verir ki, türk kinosunun unudulmaz uşaq ulduzlarından biri olan aktyorun son görüntüləri sosial şəbəkələrdə müzakirələrə səbəb olub.

“Yeşilçam” filmlərində canlandırdığı “Sezercik” obrazı ilə məşhurlaşan İnanoğlu uzun illərdir mediadan və kameralardan uzaq həyat yaşayırdı. Son yayılan görüntüdə aktyorun əvvəlki illərlə müqayisədə xeyli dəyişdiyi və kökəldiyi diqqət çəkib.

Qeyd edək ki, Sezer İnanoğlu 1970-1980-ci illərdə çəkildiyi “Sezercik” filmləri ilə Türkiyədə böyük populyarlıq qazanmış və dövrünün ən məşhur uşaq aktyorlarından biri olmuşdu.