Höteborqdakı Müsəlman Koordinasiya Qrupu şəhər hakimiyyətini sosial xidmətin uşaq və yeniyetmələrlə iş üçün nəzərdə tutulmuş tədris materiallarında meymun təsvirindən istifadə etdiyinə görə açıq şəkildə üzr istəməyə çağırır.

Turaztv.az AZƏRTAC-a istinadən xəbər verir ki, görüntülərdə, xüsusilə hicablı və üzərində “Hetto” yazılmış paltar geyinən meymunlar yer alıb ki, bu da müsəlman icmasının hiddətinə səbəb olub.

Bu görüntülər şimal-şərq Höteborq sosial xidmətlər idarəsi tərəfindən hazırlanmış terapevtik materialın bir hissəsi olub və uşaqlar və yeniyetmələrə emosiyalarını ifadə etməyə və başa düşməyə kömək etmək məqsədi daşıyırdı.

İlk olaraq rəhbərlik konsepsiyanı təsdiqləyib. Keçən il o, “İlin yenilənməsi” mükafatına namizəd olub. Lakin bəzi əməkdaşlar şoka düşüb və daxili tənqiddən sonra material yenidən işlənib.

Şöbə müdiri artıq üzr istəyib, lakin müsəlman qrupu bunu kifayətedici hesab etmir və bu cür materialların necə təsdiq edilib və istifadə olunduğunu müəyyən etmək üçün müstəqil araşdırma aparılmasını tələb edir.

“Bu, tam məsuliyyətsizliyi sübut edir və mediada sadə kortəbii üzr istəmək kifayət deyil - real hərəkətlər və məsuliyyətin qəbul edilməsi lazımdır”, - deyə koordinator Abdulla Almasri bildirir.

Qrup nümayəndələri vurğulayırlar ki, bu cür görüntülər stereotipləri gücləndirir və müsəlmanları insani keyfiyyətlərdən, ləyaqətdən, hüquqlardan məhrum toplum kimi təqdim edir.

Siyasətçilər artıq araşdırmaya başlayıblar, lakin hələlik müstəqil araşdırma təyin edilməyib. Yaxın günlərdə müsəlman icması nümayəndələrinin sosial xidmət rəhbərliyi ilə görüşü gözlənilir.