Xəbərlər
22.02.2024, 20:36
Arif Musa: İlk görüş yerimiz - FOTO
İlk görüş yerimiz
Hayana getsək də, izləyir bizi,
İlk görüş yerimiz, görüş yerimiz.
Bəlkə də həsrətlə gözləyir bizi,
İlk görüş yerimiz, görüş yerimiz.
Bizə ünvan verib o görüş yeri,
Bəs niyə yollarda azmalı olduq?
Qırılmaz tellərlə bağlanan əhdi,
Biz niyə asanca pozmalı olduq?
Mən keçə bilmərəm o yerdən daha,
O yerdə eşqimin izləri qalıb.
Ləpirlər çevrilib gələr üstümə,
Çünki arxamızca gözləri qalıb.
Mən keçə bilmərəm o yerdən daha,
O yerlər dil açıb danışa bilər.
Məni sənsiz görüb, pərişan görüb,
O yer birdən səni soruşa bilər.
Nə mən günahkaram, nə arzularım,
Bu yolda günahkar sayarlar səni.
Təzə həmdəminlə keçsən o yerdən,
O yer nərə çəkib haraylar məni.
Vüsal qədəhini saldın əlimdən,
Artıq o qədəhdən içə bilmərəm.
Sənsiz bu yerlərdən keçə bilsəm də,
İlk görüş yerindən keçə bilmərəm.
İlk görüş yerimiz, görüş yerimiz.
Bəlkə də həsrətlə gözləyir bizi,
İlk görüş yerimiz, görüş yerimiz.
Bizə ünvan verib o görüş yeri,
Bəs niyə yollarda azmalı olduq?
Qırılmaz tellərlə bağlanan əhdi,
Biz niyə asanca pozmalı olduq?
Mən keçə bilmərəm o yerdən daha,
O yerdə eşqimin izləri qalıb.
Ləpirlər çevrilib gələr üstümə,
Çünki arxamızca gözləri qalıb.
Mən keçə bilmərəm o yerdən daha,
O yerlər dil açıb danışa bilər.
Məni sənsiz görüb, pərişan görüb,
O yer birdən səni soruşa bilər.
Nə mən günahkaram, nə arzularım,
Bu yolda günahkar sayarlar səni.
Təzə həmdəminlə keçsən o yerdən,
O yer nərə çəkib haraylar məni.
Vüsal qədəhini saldın əlimdən,
Artıq o qədəhdən içə bilmərəm.
Sənsiz bu yerlərdən keçə bilsəm də,
İlk görüş yerindən keçə bilmərəm.
Son xəbərlər
Ən çox oxunanlar
- Bu gün
- Bu həftə
- Bu ay
