Ötən gecə sosial şəbəkədə açılan canlı yayım zamanı gənc oğlan özünü asıb.

Publika.az xəbər verir ki, Xəyal adlı gənc nişanlısından ayrıldığı və bu ayrılığa dözə bilmədiyini bildirərək canlı efir zamanı intihar edib.

Dostları sosial şəbəkə vasitəsilə onu bu əməldən çəkinməyə çağırsalar da 26 yaşlı Xəyal canlı efirdə həyatına qəsd edib.

Onun sağ qalması və ya dünyasını dəyişməsi barədə, hadisənin konkret hansı ünvanda baş verməsi haqda dəqiq məlumat yoxdur.
Qeyd edək ki, bu gün səhər intihar videosu Xəyalın səhifəsindən silinib, dostları onun sağ qalmasını və videonu özünün sildiyini təxmin ediblər.