Milli Şura 9 fevrala təyin olunan növbədənkənar parlament seçkilərini boykot etmək barədə bu gün qərar verib.

Bu barədə AXCP sədri Əli Kərimli özünün feysbuk hesabında yazıb. "

Milli Şuranın Kordinasiya Mərkəzində gedən müzakirələrdən sonra, seçkilərdə iştirak etməmək və növbədənkənar parlament seçkilərini boykot etməklə bağlı kollegiyal qərar qəbul edilib”, deyə Kərimli bildirib.

Ölkənin digər iri müxalifət partiyaları olan Müsavat və Respublikaçı Alternativ partiyası seçkilərdə iştirak edəcəyini bildirib.

Dekabrın 2-si Milli Məclisin iclasında hakim partiyanı təmsil edən çoxluq parlamentin səlahiyyətlərinə xitam verilməsi və yeni seçkilərin təyin olunması ilə bağlı məsələ qaldırıb. Ölkə Prezidentinə növbədənkənar seçkilərin təyin olunması ilə bağlı müraciət qəbul olunub. Konsititusiya Məhkəməsinin müsbət rəyindən sonra, Azərbaycan prezidenti milli məclisin buraxılması və 2020-ci ilin 9 fevralına yeni seçkilərin təyin olunması ilə bağlı qərar qənbul edib.