"Azərbaycan Mərkəzi Bankı inflyasiya ilə bağlı proqnozları sabit səviyyədə saxlayıb".

Turaztv.az Trend-ə istinadən xəbər verir ki, bunu Mərkəzi Bankın sədri Elman Rüstəmov deyib.

Onun sözlərinə görə, Mərkəzi Bankın proqnozlarına əsasən inflyasiya 4 faizə yaxın təşkil edəcək.

E.Rüstəmov qeyd edib ki, real sektorda həyata keçirilmiş monitorinqlər göstərib ki, tikinti sektorunda və qeyri-neft emal sənayesində inflyasiya gözləntiləri azalıb.



O əlavə edib ki, beynəlxalq maliyyə təşkilatlarının da, o cümlədən Beynəlxalq Valyuta Fondunun proqnozlarına əsasən ölkədə inflyasiya aşağı səviyyədə gözlənilir.