İrəvanın Birinci İnstansiya Məhkəməsi "Çiçəklənən Ermənistan" partiyasının sədri Qaqik Tsarukyanın həbs müddətini daha iki ay uzadıb.

"Report" "Armenpress"ə istinadən xəbər verir ki, bu barədə jurnalistlərə Q.Tsarukyanın vəkili Emin Xaçatryan bildirib.

"Məhkəmə Qaqik Tsarukyanın həbs müddətini daha iki ay uzadıb. Biz bu qərardan Apellyasiya Məhkəməsinə şikayət edəcəyik", - E.Xaçatryan bildirib.

Xatırladaq ki, bu ilin iyulunda Qaqik Tsarukyan həbs edilib. Hüquq-mühafizə orqanları onun şəxsi iqamətgahında, eləcə də onunla və ailəsi ilə əlaqəli bir sıra şirkətlərdə və digər obyektlərdə axtarışlar aparıb. Q.Tsarukyana qarşı külli miqdarda dələduzluq və çirkli pulların yuyulması ittihamları irəli sürülüb. Daha sonra ora vergidən yayınma ittihamları da əlavə edilib.