Bakı Şəhər Mədəniyyət Baş İdarəsi Sabunçu rayon Mərkəzləşdirilmiş Kitabxana Sisteminin 2 nömrəli filialı fəal oxucularla birlikdə şəhid Nahid Teymurzadə və başqa şəhidlərə həsr olunmuş "Unudulmayan oğullar" adlı tədbir keçirib.

Tədbirdə qeyd edilib ki, Qarabağın erməni işğalından azad edilməsi uğrunda canından keçən oğullarımızdan biri də Nahid Üzeyir oğlu Teymurzadədir. O, 1997-ci ilin 23 iyununda Biləsuvar rayonunun Günəşli kəndində anadan olub. Nahid Vətən müharibəsinə könüllü şəkildə qoşulub və Xocavəndin Düdüklü kəndinin azad olunması uğrunda gedən döyüşlərdə şəhadətə yüksəlib. N.Teymurzadə ölümündən sonra "Vətən uğrunda", "Cəbrayılın azad olunmasına görə", “Xocavəndin azad olunmasına görə" və Füzulinin azad olunmasına görə" medalları ilə təltif olunub.

Daha sonra şəhidlərimiz haqqında, eləcə də onların keçdikləri şərəfli yoldan bəhs edilərək, əziz xatirələri ehtiramla yad olunub.