Bu gün "Qəbələnin səsi" ədəbi məclisinin üzvüləri
ustad ağsaqqal şair Emin Baratoğlunun təşəbbüsü ilə Bərdə rayonuna dastana dönən igid qəhrəmanımızı Xudayar Yusifzadənin ziyarətinə Bərdə şəhəri şəhidlər xiyabanını ziyarət etdi. Tədbirə ağsaqqal şairimiz Emin Baratoğlu aparıcılıq etdi.
Şairlərimiz çıxış edərək şəhidin doğmalarına səbir və təmkinlik diləyərək onların dərdinə az da olsa sərinlik gətirməyə çalışdı.
Yazdığı şeirlərdən oxudu.
Cəlil Xeyirbəyin yazdığı şeirin acısı öz doğma şəhid övladının timsalında bütün qəlbi yaralı şəhid valideyinlərinə həsr edilirdi. Yaraya duz səpən kimi dərd verməyə bilməzdi. Özü demişkən dərdi görənlər bilir onun acısını dadanlar ağrını sinəsində əbədi daşıyır. Xudayarın babası Yusif baba demişkən elə Xudayar anadan gəlmə dərdlə dünyaya gəlib. Bir aylıq olanda otuz bir yaşlı atasını itirərək yetimliklə böyümüşdü. Onun vətənpərvərliyi də onun övladlarına atasızlığı hiss etdirməyən anasından keçib. Anası yazarlara təşəkkürünü bildirərək onu da qeyd etdi ki, sizin övladımıza göstərdiyiniz bu hörmət elə vətənə sevgidən irəli gəlir. Çox gözəl və səmimi ailəsi var igidimizin. Tədbir zamanı Zərdabdan bir neçə müəllim də ziyarətə gəldi. Şəhid Sədi Həsən oğlu Ədilovun atası Həsən müəllim də gəlib tədbirimizə qoşularaq onunda şəhid balasının məzarını ziyarət edərək ruhuna dualar oxudu. Tədbirin davamı şəhidimiz Xudayar Yusifzadənin ata ocağında davam etdi və xatirə şəkilləri çəkildi.

Şəhla Xəlilqızı
"Qəbələnin səsi" ədəbi məclisinin rəhbəri.