Cümşüd Aydəmirov - Bir şair yaşayıb...

Xəbərlər

6.12.2021, 20:58

Cümşüd Aydəmirov - Bir şair yaşayıb...

Şair Kələntər Kələntərlinin xatirəsinə

Bir şair yaşayıb bu yer üzündə,
Rişəsin,mayasın Şah dağı verib!
Bir şair yaradıb öz vətənində,
Dəyərin,qiymətin öz xalqı verib!

Kələntər adını daşıyıb körpə,
Dağlardan güc alıb,dağ tək ucalıb
Səsini dağ çayı veribdi bəlkə?
Coşan dağ çayı tək səsi gur olub.

Yazdığı əsərlər vətən sərvəti,
"Şuşam geri qayıtmasa"de nəyə dəyər!
Əgər dönük çıxsam,atsam vətəni,
"Güllələsin dağlar məni" dedi Kələntər!

Kömək istəyənə, o kömək olub,
Əl verib əlini uzadan kəsə.
Özünə bir kimsə əl uzatmayıb,
Heç fürsət verməyib o bir nakəsə.

Kitabı dünyada oxunan şair,
Özünə bir qədər diqqət istəmiş.
Xalqının oğlu tək sevilən şair,
Özünə bir qədər qayğı istəmiş.

Dünyaya şeriylə baş vuran şair,
Nadanlar əlindən zinhara gəlmiş.
Sən xalqın qəlbində taxt qurdun!
Deyən,dostlarından təsəlli görmüş.

Bir şair uyuyur indi Kuzunda,
Öz eli obası ona yas qurmuş!
Anasından ayrı düşən yurdunda,
Yenidən anayçün bir qundaq olmuş!

Bir şair yaşayıb bu yer üzündə,
Rişəsin,mayasın Şah dağı verib!
Bir şair yaradıb öz vətənində
Dəyərin,qiymətin öz xalqı verib!

Cümşüd Aydəmirov,
Xudat. 5.12.2021